طريقة تخلي ريحة البيت فانيلا وليمون

تحية عطرة..
بريحة الليمون المنعش والفانيليا الناعمة..

عندي لكم طريقيتن سهلة و غير مكلفة بالمرة..
تخلي ريحة بتك ولا اروع..
مع اني ما عندي ما عند جدتي بالترتيب لكن ما ادري كيف فكرت فيهم..
بس ماشاء الله مرة حلوة..وجربو وقولو لي..
خلاص خلوني اختصر واجيب اخر الكلام\\\\فرحانة علشان اول موضوع لي بقسم منزلك..

**الطريقة الاولى**
قبل فترة وانا انظف ارضية الغرفة (مشمع) استخدم ماء وفيري ..جات عيني على الفانيليا _المستخدمة بالكيك- ففكرت فكرة مجنونة اني احط منها ع موية الغسيل..

وحطيتها ونظفت الارضية وطلعت الريحة مرة حلوة..
حتى لما سالت ماما ايش تتوقعي الريحة قالت منظف بريحة الورد..
انا حطيت ملعقة مع ماء الغسيل..


**الطريقة الثانية**
هذي اخترعتها قبل 10 دقائق تقريبا..
اهلي كانو برة و نظفت الغرفة ورتبتها - غرفة التلفزيون- وكنت بعطرها او ابخرها و كسلت
وجات عيني ع الاسكينول ليمون حق اختي..

قمت حطيته على ورقة وطبقتها
وحطيتها بين ريش المكيف..
والله مرة الغرفة صارت انتعاش ونظافة...
جربوها مررة حلوة..ويمكن باي منظف ليمون..



اتمنى تجربوها..
وتشجعونا بكم كلمة كذا
لعل وعسى وليت نطلع بافكار احلى واحلى..